التطعيمات بتحمي القلب

العدوى الفيروسية زي الإنفلونزا وكورونا بتحط حمل كبير على القلب، والتطعيمات بقت ركن أساسي من أركان حمايته — من محاضرة أ.د. محمد عبد الغني في المؤتمر الثامن عشر للجمعية الخليجية للقلب.

أ.د. محمد عبد الغني يلقي محاضرته من المنصة، وخلفه شاشة المؤتمر بشعاري جمعية القلب الخليجية والجمعية العمانية لطب القلب
أ.د. محمد عبد الغني أثناء المحاضرة

خلال فعاليات المؤتمر الثامن عشر للجمعية الخليجية للقلب المقام في العاصمة العُمانية مسقط، قدّم الأستاذ الدكتور محمد عبد الغني، استشاري قسطرة القلب وأستاذ أمراض القلب المساعد بجامعة الأزهر، محاضرة مهمة جدًا بتناقش موضوع بيمس حياة ناس كتير، وهو دور التطعيمات في الوقاية من أمراض القلب والشرايين.

المحاضرة وضّحت إن الوقاية زمان كانت مقتصرة بس على الأكل الصحي، والرياضة، الإقلاع عن التدخين، وعلاج الضغط والسكر والكوليسترول، لكن العلم الحديث والإرشادات الطبية لعام 2025 بتعتبر التطعيمات هي ركن أساسي من أركان حماية القلب.

المحاضرة بينت إزاي العدوى الفيروسية زي الإنفلونزا، أو كورونا، أو الفيروس التنفسي المخلوي (RSV) مش مجرد دور برد بيعدي وخلاص، دي بتعمل سلسلة من الالتهابات العنيفة جوه الجسم، وده بيزود خطر تكوين الجلطات وبيحط حمل كبير قوي على عضلة القلب. وعشان كده، المرضى اللي عندهم مشاكل مزمنة في القلب بيبقوا عرضة أكتر بكتير للمضاعفات ولتدهور العدوى وتفاقمها وبالتالي احتمالية الحجز في المستشفى أو حتى الوفاة لا قدر الله مقارنة بغيرهم، ودي حقيقة طبية بتخلي التحصينات ضرورة لمرضى القلب مش رفاهية.

المحاضرة ركّزت على قوة الأدلة العلمية اللي بتثبت إن لقاح الإنفلونزا الموسمية لوحده ممكن يقلل النوبات القلبية والجلطات والسكتة القلبية بنسبة بتوصل لحوالي 30% ل 40%. ده غير دور باقي اللقاحات المهمة زي:

  • تطعيم كوفيد-19
  • تطعيم البكتيريا السبحية الرئوية
  • الحزام الناري
  • الفيروس التنفسي المخلوي

التطعيمات دي كلها ثبت علمياً إنها فعالة في حماية صحة كبار السن خصوصاً اللي عندهم أمراض مزمنة.

في نهاية المحاضرة، وجّه الدكتور محمد عبد الغني رسالة قوية ومطمئنة لكل الناس، وهي إن الأعراض الجانبية للقاحات نادرة وبسيطة جداً ولا تقارن أبداً بالمخاطر المرعبة للعدوى. ودعا كل الأطباء والمرضى إنهم يستغلوا أي فرصة في العيادات أو المستشفيات عشان يراجعوا حالتهم التطعيمية ويحموا قلبهم، لأن الوقاية فعلاً خير من العلاج.

العودة إلى اسأل واطمئن

موعدك يبدأ بمكالمة

اتصل بالفرع الأقرب إليك خلال مواعيد العمل.

تنويه: يُرجى التواصل هاتفياً مع المركز في نفس يوم الزيارة لتأكيد الحجز وتحديد الموعد المناسب حسب نوع الخدمة المطلوبة، حيث تختلف مواعيد تواجد الأطباء وإجراء بعض الفحوصات.

  • فرع الشروق

    مفتوح الآنالسبت والاثنين والثلاثاء، من 4 عصراً إلى 10 مساءً
  • فرع بنها

    مغلق الآنالأحد والأربعاء، من 2 ظهراً إلى 10 مساءً