يعني إيه "لغط على القلب"؟
اللغط علامة وليس مرضًا. إمتى يكون مؤشرًا على مشكلة في القلب، وإمتى يكون القلب سليمًا تمامًا.
في الحقيقة لغط القلب هو مجرد علامة (أو عَرَض) وليس مرض
اللغط هو صوت بيسمعه الطبيب عن طريق السماعة وبيديله مؤشر إن تدفق الدم داخل القلب مش طبيعي.
إمتى بيكون تدفق الدم داخل القلب “مش طبيعي”؟
لما يعدي من مكان ضيق (بسبب ضيق في صمام من صمامات القلب) أو في اتجاه غير الطبيعي (زي حالات ارتجاع الصمامات وثقوب الحاجز الأذيني أو البطيني). لكن ممكن ببساطه يكون المريض عنده أنيميا خلت الدم يتدفق بسرعة أكتر من الطبيعي رغم إن القلب سليم تماماً.
يعني مش كل لغط على القلب بيكون دليل على مرض في القلب؟
الحقيقة مش دايماً, وخصوصاً في الأطفال اللي كتير يكون في لغط مسموع على القلب بينما القلب سليم تماماً.
طيب ازاي نتأكد إن القلب سليم؟
بسيطة, نعمل إكو (موجات صوتية) على القلب وصورة دم وبكده نتأكد ان كله تمام.